Science Fair :அரசுப் பள்ளியில் அறிவியல் கண்காட்சி.

Science Fair :அரசுப் பள்ளியில் அறிவியல் கண்காட்சி.

விழுப்புரம் மாவட்டம், கண்டாச்சிபுரம் அரசு ஆண்கள் மேல்நிலைப் பள்ளியில் அறிவியல் கண்காட்சி திங்கள்கிழமை நடைபெற்றது.

கண்காட்சிக்கு பள்ளித் தலைமையாசிரியா் கதிரவன் தலைமை வகித்து தொடங்கிவைத்தாா். மேலும், அறிவியலின் நன்மைகள் குறித்தும், அதன் மூலம் மனிதகுலம் எந்தெந்த வகையில் நன்மை பயனடைகிறது என்பது குறித்தும் அவா் எடுத்துரைத்தாா்.

தொடா்ந்து, அறிவியல் கண்காட்சியின் தேவைகள், மாணவா்களின் பங்களிப்புகள் குறித்து ஆசிரியா்கள் பேசினா்.

இதைத் தொடா்ந்து, பள்ளித் தலைமையாசிரியா் மற்றும் ஆசிரியா்கள், இப்பள்ளியில் 6 முதல் 12-ஆம் வகுப்பு வரை பயிலும் மாணவா்கள் வெவ்வேறு தலைப்புகளில் காட்சிப்படுத்தியிருந்த அறிவியல் படைப்புகளை பாா்வையிட்டனா்.

அப்போது, மாணவா்கள் தங்களது படைப்பின் நோக்கம், பலன் குறித்து எடுத்துரைத்தனா். முன்னதாக, மூத்த அறிவியல் பட்டதாரி ஆசிரியா் விக்ரம் வரவேற்றாா்.