நிலப் பிரச்சினை: விக்கிரவாண்டியில் கணவன், மனைவியை தாக்கிய 4 பேர்

Vikravandi News: விக்கிரவாண்டி அருகே நில அளவைத் தகராறில் கணவன், மனைவியைத் தாக்கிய இரு பெண்கள் உட்பட 4 பேர் மீது கஞ்சனூர் காவல் துறையினர் வழக்குப் பதிவு செய்து விசாரணை நடத்தி வருகின்றனர்.

விழுப்புரம் மாவட்டம், விக்கிரவாண்டி அடுத்த ஏழு செம்பொன் கிராமத்தைச் சேர்ந்தவர் முருகன் (50). இவரது பக்கத்து நிலத்தின் உரிமையாளராக அதே ஊரைச் சேர்ந்த மற்றொரு முருகன் (38) என்பவர் உள்ளார். இவர்களிடையே நில எல்லை மற்றும் அளவீடு தொடர்பாக நீண்டநாட்களாகத் தகராறு நிலவி வந்தது.

கடந்த 4-ஆம் தேதி முருகன் தனது விவசாய நிலத்தில் இருந்தபோது, நில அளவுப் பிரச்சினை மீண்டும் வெடித்தது. இதில் ஏற்பட்ட வாக்குவாதத்தில், அய்யப்பன் (43), அவரது மனைவி அம்சலேகா (40) மற்றும் உடன் இருந்த புனிதாவோடு சேர்த்து மற்றொரு நபரும் இணைந்து முருகனையும் அவரது மனைவியையும் கடுமையாகத் தாக்கினர்.

காயமடைந்த தம்பதியின் புகாரின் அடிப்படையில், அய்யப்பன், அம்சலேகா மற்றும் புனிதா உள்ளிட்ட 4 பேர் மீது கஞ்சனூர் காவல் நிலையப் போலீசார் வழக்குப்பதிவு செய்து தீவிர விசாரணை மேற்கொண்டு வருகின்றனர்.